प्रतिनिधी - नेवासा तहसील कार्यालय मध्ये आठवड्याच्या प्रत्येक गुरुवारी शेत व शिव रस्त्या प्रश्नासाठी व समस्या सोडवण्यासाठी जनन्याय दिन कार्यक्रम घेतला जात असून गुरुवार दिनांक १२ डिसेंबर २०२४ रोजी शेत शिव पानंद रस्ता जनन्याय दिन कार्यक्रमात माननीय तहसीलदार श्री संजय बिरादार नायब तहसीलदार श्री चिंतामणी व श्री एस डी कुलकर्णी श्री श्रीपत उमाप या अधिकाऱ्यांनी शिव - पाणंद शेत रस्ते चळवळीच्या कार्यकर्त्या बरोबर उपस्थित रस्ता ग्रस्त शेतकऱ्याच्या समस्यावर सविस्तर चर्चा करून शेत रस्ता समस्या निवारणासाठी पुढील कार्यवाही प्रत्यक्षात आदेश पारित करीत असल्याचा मनोदय व्यक्त केला त्यामुळे शेत रस्ता व शिव पानंद रस्ता चळवळीच्या कार्यकर्ते व शेतकऱ्यांमध्ये समाधानाचे वातावरण तयार झाले महाराष्ट्र राज्य शेत व शिवपानंद चळवळीच्या माध्यमातून चळवळीचे प्रणेते श्री शरद पवळे व समन्वय श्री दादासाहेब जंगले यांचे मार्गदर्शनाने नेवासा तहसील येथे गुरुवार हा जनन्यायदिन पाळण्याचे तहसीलदार श्री संजय बिरादार यांनी १९ सप्टेंबर २०२४ रोजी जाहीर केले होते त्यानुसार विधानसभा निवडणुकीच्या आचारसंहितेचा नंतर आलेल्या गुरुवारी जनन्याय दिन घेण्यात येईल असे तहसीलदार यांनी सुचविले होते त्यानुसार
शेत रस्ते शेतकऱ्यांच्या मागण्या व समस्या सोडविण्यासाठी तहसील कार्यालयात दर गुरुवारी न्याय दिनाचे आयोजन करण्यात आलेले आहे .या जन न्याय दिनास १२ डिसेंबर २०२४ रोजी तहसिल कार्यालयातील तहसीलदार संजय बिरादार व रो. ह. यो.अव्वल कारकून श्री कुलकर्णी व उमाप लिपिक यांनी शेत रस्ता प्रकरणे हाताळली . त्यामुळे तालुक्यातील उपस्थित असणाऱ्या पन्नास ते साठ शेतकऱ्यांसह कार्यकर्त्यांनी समाधान व्यक्त केले .यावेळी तालुक्यातील काही शेतकऱ्यांनी त्यांच्या समस्यां तहसिलदारांचे आदेश होऊनही दोन-तीन वर्षा नंतरही अजून रस्ते बंदच आहेत. रस्ते अडविणारे दाद देत नाहीत. दादागिरी व आडमुठेपणा करुन त्रास देतात. शेती पडीत ठेवावी लागत आहे.आमचे उत्पन्न बंद झाल्याने व मानसिक , शारीरिक , आर्थिक त्रास होत असल्याने आता आम्हाला जलद गतीने न्याय न्याय द्यावा अशी ही मागणी केली यावेळी श्री कुशिनाथ दगडू फुलसौंदर करजगाव,नजीक चिंचोली येथील मिनीनाथ घाडगे वाकडी येथील श्री गोविंद काळे यांच्या प्रकरणावर विशेष भर देऊन प्रश्न निकाली काढण्यात आले
भूमि अभिलेखचे कार्यालय अधीक्षक यांना संपर्क करुन श्री संदीप गोसावी उपअधीक्षक भुमिअभिलेख यांनी कार्यालयातील श्री ससाने यांना न्याय दिनास उपस्थित केले. आणखी चौतीस शिव रस्त्यांचे मोजणीचे कार्यक्रम तयार केला व तसे आदेशही काढले.याप्रसंगी महाराष्ट्र राज्य शेत व शिवपानंद रस्ता चळवळीचे उपाध्यक्ष श्री नाथाभाऊ शिंदे यांनी शेत रस्ता व शिव रस्ता समस्या सोडविण्यासाठी चा जनन्याय दिनाचा बोर्ड- फलक तहसील कार्यालयात तहसीलदार साहेबांच्या परवानगीने लावला तहसीलदारने पुन्हा फलक दर गुरुवारी लावण्याची मान्य केले प्रत्येक गुरुवारी मागील कामाची प्रकरणाची कार्यवाही केल्याचा आढावा घेण्यात यावा तसेच शेत रस्ता ग्राम समिती प्रत्येक गावामध्ये स्थापन झालेली नाही त्या संदर्भात पुन्हा स्मरणपत्रे देऊन तलाठी व ग्रामसेवक यांनी शेत रस्ता स्थापन लवकर कराव्यात व त्याचा अहवाल घेण्यात यावा असे सुचविले गट विकास अधिकारी पंचायत समिती नेवासा यांनी शेत रस्ता समित्या स्थापनेबाबत जीआरच्या तरतुदीनुसार तहसीलदारांचे आदेश राबविण्यात असमर्थता दाखविली असताना तहसीलदारांनी त्यांना कळवितो व गट विकास अधिकारी यांच्याकडून गाव रस्ते समिती स्थापन करून घेतो असे आश्वासन दिले व जलद गतीने शेत रस्ता समस्या सोडविण्यात यावे अशी मागणी केली. तसेच यानंतर तालुका भूमि अभिलेख मध्ये सर्व शेतकरी गेले असता आचारसंहितेमुळे तालुक्यातील शिव रस्त्यांचे मोजणीच्या आदेश पत्र प्राप्त केले.
यावेळी तालुक्यातील शिव - पाणंद रस्ता चळवळीचे महाराष्ट्र राज्य उपाध्यक्ष नाथाभाऊ शिंदे , सागर सोनटक्के , कृष्णा घोडेचोर,प्रवीण पवार,राजू गरड, मुरलीधर जरे रमेश भक्त,संतोष काळे, गोविंद काळे अशोक काळे, ज्ञानदेव काळे प्रदीप बहिरट , कुशिनाथ फुलसौंदर , बाळू थोरात , विठ्ठल करमड , मिनिनाथ घाडगे , कानिफनाथ कदम , काशिराम धाडगे , अनिल सरोदे , सगाजी आयनर, बबन शिंदे, संतोष शिंदे,सोमनाथ शिंदे भीमराज जाधव,संभाजी पवार ज्ञानेश्वर जंगले.राहुल पवार, गणेश बोचरे नवनाथ शिंदे आदिंसह सुमारे चाळीस हुन अधिक शेतकरी उपस्थित होते. आता येत्या गुरुवारी १९ डिसेंबर २०२४ रोजी शेत रस्ता समस्याग्रस्त शेतकऱ्यांनी मोठ्या प्रमाणावर उपस्थित राहावे असे आवाहन केले आहे.
